النهاردة الدنيا مطرت بس كنت نايمة
كان نفسى أوى لما صحيت انى الاقيها لسة بتمطر لأنى كنت محتاجة أوى النهاردة إنى أقف فى الشباك زى ناس كتير فى الوقت ده وأفضل أدعى ربنا بحاجات كتير أوى ..
بعديها خطر على بالى سؤال .. ياترى حد افتكر يدعيلى دعوة صادقة بمناسبة المطر !!
حد افتكرنى وهو بيدعى لنفسه ودعالى بأى حاجة ؟؟ السعادة , الهداية , النجاح .. أى حاجة
بعديها عينى دمعت لأنى تخيّلت ان برغم كل الناس اللى حواليا الا ان ممكن مايكونش حد منهم بيفتكرنى بالدعاء لا ساعة المطر ولا فى أى ساعة تانية :(
وقبل ما أزعل افتكرت ماما ربنا يخليهالى .. اللى دايما بتدعيلى فى أى وقت وفى كل وقت حتى لو ماكانش فيه مطر
وحتى لو كنت مزعلاها .. عمرها مابتنسانى :)
ودعوة أمى بالدنيا كلها ... ربنا يخليهالى ومايحرمنيش من دعواتها ♥
الله على المطر فعلاً المطر احلى شي يستحق اننا نوقف تحتو وهو بيهطل علينا ونملأ قلوبنا بالأمل و الاحلام و الأمنيات بجد حتى انا فكرت لما انا بلحظة المطر و دعيت دعوه حلوه لاحبائي يا ترى في حد أفتكرني ودعالي بدعوه حلوه كمان ؟؟!
ردحذفبجد أنا كثير فرحانه بقرأءة كلماتك الحلوه و احاسيسك والله يسعدك بحياتك ويخليلك الماما ولا يحرمك منها ومن دعواتها يارب امين تقبلي مروري وكلماتي انا الوان الطيف ريمانR
أحلى حاجة انك تفتكرى كل أحبابك ساعة المطر وتدعيلهم
ردحذفوبعدين لو هما ما افتكروناش فأكيد واحنا بندعيلهم الملائكة بتأمن على دعاءنا وبتقول " ولك مثله "
يعنى كله خيييير :)
سعيدة أوى بردك وبزيارتك لمدونتى :)