الجمعة الجامعة

يوم الجمعة .. 
يعنى الصحيان متأخر .. الساعة 10 يعنى بالكتير :D 
,
ريحة العيش اللى الجيران بيخبزوه فى الفرن البلدى من الصبح بدرى وحجزهم الفرن بالدور :)
,
البخور اللى بيولع قبل الصلاة 
,
وإذاعة القرآن اللى لازم نشغلها من الصبح ونقفل التليفزيون 
,
كوى الجلاليب البيضا عشان الصلاة
,
تنضيف البيت وتجهيز الغدا عشان ده اليوم الوحيد اللى هنتجمع فيه كلنا ونتغدّى سوا 
,
سر الأرض ع القناة الأولى وعالم البحار على القناة التانية بعد الصلاة ويوم مع بابا قبلها 
,
برنامج الشيخ الشعراوى والتتر اللى بحبه أوى ♥
,
يوم الأجازة اللى بنستناه كل اسبوع .. 
يعنى فيلم اسماعيل يس الساعة 10 على القناة التانية وفيلم عربى الساعة 3 ع القناة الأولى وكمان هنتفرج على مسلسل الساعة 8 :) 
,
يلا يوم الجمعة خلص قوموا بقا جهزوا شنطكم للمدرسة بكرة وراجعوا الواجب -_-


مش فاضل من كل ده إلا نوستالجيا لما أشغل مقطع للشعراوى ولا تواشيح ع الساوند كلاود :)

يوم بادىء بحادثة وكنا على شفا حفرة من الوقوع من فوق كوبرى الجامعة لولا ستر ربنا 

ثم تهدئة البنات والسيدات اللى كانوا راكبين معايا لأنهم اتخضوا جامد 

ثم راوند النسا وضحكى مع أصحابى والتريقة إنى كنت هموت وأسيبهم وياترى كانوا هيعملوا ايه

ثم بداية استيعابى فعلا إنى عملت حادثة وكنت هموت وحبس الدموع لمجرد تخيّل شكل ماما لما تعرف الخبر

ثم إدراكى لكمية الإرهاق اللى أنا فيها من كمية الضحك اللى لازم أضحكها كل يوم فى وش الناس اللى أعرفهم مهما كانت حالتى

ثم مقابلتى بناس وحشانى وماشفتهمش من فترة طويلة ..

ثم قرارى بإنى أخرج معاهم حتى لو كان مزاجى وحش لأنى مش عارفة هشوفهم تانى امته

ثم إضطرارى إنى أكمل ضحك وهزار لأن مش ذنبهم إن مزاجى وحش وهما خارجين يتبسطوا وعشان فعلا أنا مبسوطة إنى معاهم

ثم رجوعى للبيت مرهقة كلياً فعلاً لدرجة إنى مش قادرة أسلم على ماما أو أتكلم معاهم 

ثم بعد فترة طويلة فى أوضتى أقوم أشيل الورق اللى سيبته الصبح على سريرى فألاقى تحته دول 

من أختى عشان زعلانة منها .. وطوّلنا شويتين

ثم ((حلو الحلو بكل خصاله )) كنت بطبعها الصبح عشان نفرّح واحدة صاحبتنا ونعملها مفاجأة :) .. وألاقيها مكتوبالى بالليل عشان تفرّحنى !!!

ثم أنا ماستاهلش كل الناس الحلوة اللى فى حياتى فعلاً وهما يستاهلوا يكون فى حياتهم حد أحسن منى بس ربنا اللى رحيم وكريم 

وبيبيّن بس إن الواحد أتفه من إن ربنا يغضب عليه ويحرمه من رحمته .. 

فكل اللى انا فيه فى الدنيا ده كرم بس وعمره ماهيكون استحقاق

اللهم إنى أعلم أنى أعصيك 

ولكنى أحب من يطيعك 

فاجعل اللهم حبى لمن أطاعك 

شفاعةً تُقبل لمن عصاك

اكتشفت إن فيه حاجات كتير بعملها الفترة دى مش عشان عاوزاها وإنما عشان ما أندمش إنى ضيعتها ,
وفعلا مابندمش إنى ضيعتها .. بس برده ما بتبسطش إنى عملتها !!

الوحدة نوعين  :
فيه اللى ماعندوش حد يفضفضله
وفيه اللى مابيعرفش يفضفض لحد من اللى عنده 

والمحصلة فى النهاية واحدة أو بمعنى أصح وحدة!

والمجروح تداويه ازاى ؟؟ 
المدبوح تواسيه إزاى !

لا شىء يعجبنى

"لا شيءَ يُعْجبُني"

يقول مسافرٌ في الباصِ

لا الراديو , ولا صُحُفُ الصباح, ولا القلاعُ على التلال.

أُريد أن أبكي..

يقول السائقُ: انتظرِ الوصولَ إلى المحطَّةِ,

وابْكِ وحدك ما استطعتَ

 

تقول سيّدةٌ: أَنا أَيضاً. 

أنا لا شيءَ يُعْجبُني. 

دَلَلْتُ اُبني على قبري،فأعْجَبَهُ ونامَ، 

ولم يُوَدِّعْني

 

يقول الجامعيُّ: ولا أَنا، 

لا شيءَ يعجبني. دَرَسْتُ الأركيولوجيا دون أَن أَجِدَ الهُوِيَّةَ في  الحجارة. 

هل أنا حقاً أَنا؟

 

ويقول جنديٌّ: أَنا أَيضاً. 

أَنا لاشيءَ يُعْجبُني . أُحاصِرُ دائماً شَبَحاً يُحاصِرُني

 

يقولُ السائقُ العصبيُّ: ها نحن اقتربنا من محطتنا الأخيرة، 

فاستعدوا للنزول...

 

فيصرخون: نريدُ ما بَعْدَ المحطَّةِ،

فانطلق!

 

أمَّا أنا فأقولُ: أنْزِلْني هنا. 

أنا مثلهم لا شيء يعجبني، 

ولكني تعبتُ من السِّفَرْ.

لما بسمع كلام حلو من الناس اللى تعرفنى أو يمدحوا فيا بأى شكل من الأشكال .. بحس بشعور غريب ,, يمكن أكتر وصف مناسب ليه هو (ضيق) أو يمكن بنقبض  ..

ياترى أنا كدا فعلا ؟؟ 

ولا الناس مخدوعة فيا !!

أنا فعلا بحس إنى ما استحقش الكلام ده .. 

يبقى هما اللى طيبين أوى وفعلا مخدوعين فيا :( 

فكرة إنك ممكن تكون بتعمل حاجة عشان  تبان كويس قدام الناس دى مرعبة جداا

إن ممكن يوم القيامة تبان قدام نفسك وربنا يقولك إنت عملت كذا فى الدنيا عشان يتقال إنك كويس وقد قيل .. ياااه على العذاب اللى ممكن أكون فيه لو ده بجد :(

اللهم اجعل أعمالنا خالصة لوجهك

الفرحة مش محتاجة معجزات

الفرحة كل يوم سهلة جداا مش محتاجة معجزات .. 
يعنى مثلا :
- دعوة بابا لو عملتله كوباية شاى : ربنا يخليكى ليا ألف عام فى الدنيا :D
-فنجان القهوة اللى بشربه من ورا ماما ولما بابا يشوفنى ويقولى اعمليلى واحد معاكى وأنا مش هقولها :p 
- دعوات ماما اللى مابتنتهيش بسبب وبدون سبب ^_^ 
- دش سخن فى آخر اليوم ^___^ 
- لوشن بريحة جديدة مش موجودة فى الوجود ^_^
- شاورما فى مطعم سورى ومعاهم التومية والخيار المخلل ^______^ 
- رسالة من حد ماتعرفوش بتقولك شكرا على حاجة إنت فعلا شايفها مش مستاهلة ! 
- إنك تخلص كل الخطط والمشاوير اللى وراك فى يومك وماتأجلش حاجة لتانى يوم :) 
- رواية تكون حلوة ومابترفعش الضغط من كتر النحنحة اللى فيها -_-
-قراية مقال فيه كلام شبه كلام نفسى اكتبه :)

وحاجات تانية كتير بقا .. محتاجة بس شوية تركيز :)

كتر الوجع هيبة كتر الامل خيبة
حنيت عليك فقسيت وطمعت في الطيبة
ايوة انا قلبي حبك والحب مش عيبة
ايوة انا قلبي حبك والحب مش عيبة
 

انا توهت في حبك وقسيت 

انا توهت في حبك وقسيت
 

كنت تنادي اجيلك تشكي لي واشكيلك
اسهر معاك ليلك في الهم واشيلك
كتر القسوة واللوم مش شغل حببية
 

ده انا توهت في حبك وقسيت
انا توهت في حبك وقسيت
 

ما انكرش باشتاق لك
فكرت اكتب لك 

بس افتكرت انك قليت كتير عقلك
وانا قلبي مش سيبة 

وانا توهت في حبك وقسيت
انا توهت في حبك وقسيت

دينا الوديدى ^_^