التربية الأهم ولا التعليم !!
وأكيد مش قصدى التعليم اللى مالوش أى ستين لزمة اللى فى المدارس
أقصد التعليم اللى بجد .. التعليم اللى المفروض يقوم بيه حد فاهم واللى هى مسئولية الاب والام فى المقام الأول ويمكن الأخير .. بما إنهم جابوا طفل للدنيا
نرجع ونقول ايه الاهم فيهم ؟ التربية ولا التعليم!
وهل التربية هتنفع أصلا من غير تعليم ! تربية على أساس ايه !!
عيب وحرام وماتعملش كدا وماتعمليش كدا .. وخلاص !!
هى دى التربية ! أوامر والمفروض تتنفذ
عيب وحرام وماتعملش كدا وماتعمليش كدا .. وخلاص !!
هى دى التربية ! أوامر والمفروض تتنفذ
والسبب إنه عيب أو السبب الأكثر إقناعاً "عشان أنا قلت كدا " !!!!
طيب مين قال إنه عيب ؟ وليه عيب ؟ ولو الطفل بعد ماكبر فكّر وما اقتنعش انه عيب ولاحاجة .. ,
أو وصل لمرحلة التمرد على كل شىء واللى من ضمنها الأوامر بتاعت عيب وماتعملش وماتروحش ..
طيب مين قال إنه عيب ؟ وليه عيب ؟ ولو الطفل بعد ماكبر فكّر وما اقتنعش انه عيب ولاحاجة .. ,
أو وصل لمرحلة التمرد على كل شىء واللى من ضمنها الأوامر بتاعت عيب وماتعملش وماتروحش ..
يبقى كدا تربيته ضاعت !!!
التربية من غير تعليم .. كلام فارغ ,,
تربية من غير فهم ليه ده صح وليه ده غلط .. بيت من ورق أول ما الطفل يقدر ينفخ هينفخه يطيره,,
التربية من غير تعليم .. كلام فارغ ,,
تربية من غير فهم ليه ده صح وليه ده غلط .. بيت من ورق أول ما الطفل يقدر ينفخ هينفخه يطيره,,
التربية القايمة على الحفظ بس .. حفظ ايه الصح وايه الغلط , ايه الحلال وايه الحرام , حفظ حفظ حفظ بدون فهم
هتخّلى العقل فى يوم من الأيام يسأل ليه ؟ وساعتها ممكن كل اللى فاكر إنه مقتنع بيه ينهار
لأنه فى الحقيقة ما اقتنعش بحاجة هو حفظ .. حفظ وبس
يبقى غلط خالص موضوع إن التربية أهم من التعليم دى
مش لازم أصلا ترّبيه .. بس علّمه
علّمه صح .. وهو لما يتعلم صح هيتربى لوحده
وهيعرف ايه الصح وايه الغلط عن اقتناع ..
هيعرف يختار الصح فى الموقف اللى مش هتكون إنت موجود فيه عشان تقوله يعمل ايه !
التعليم أهم .. فـ اتعلّموا عشان تعرفوا تعّلموا لما يجى دوركم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.