اضحك ع الشيكا بيكا

أنا باضحك من قلبى يا جماعة . .

مع انى راح منى ولاعة . .

وبطاقتى فى جاكتة سرقوها . .

وغتاتة كمان لهفوا الشماعة . .
بقيت أرجف من السقعه . .
لكن باضحك . . 

أنا راح منى كمان حاجة كبيرة . .

أكبر من انى اجيب لها سيرة . .

قلبى بيزغزع روحه بروحه . .

علشان يمسح منه التكشيرة . .

ادعوا له ننسى بقى . . ويضحك . . 

والضحك ده مزيكا . .
كهربا على ميكانيكا . .

اضحك ع الشيكا بيكا . .
هاهاها . .
ع الشيكا بيكا . .

هـ تقولى الشيكا بيكا
ايه هيا . ..!

هى الحركات اللى مش هيا 

الفرقة . . والحرقة . . والغرقة . .

والزومبة فى البمبة الذرية . .

بدل ما نطق . . ولا لاء نضحك . .

ده الضحك ده مزيكا . .
كهربا على ميكانيكا . .

اضحك ع الشيكا بيكا . .
هاهاها . .
ع الشيكا بيكا . .

ولا تزعل ولا تحزن . .
اضحك برضه ياويكا . .

هاهاها . . ع الشيكا بيكا . . ع الشيكا بيكا