حاسة بالحزن
مش مجرد ضيق أو زعل أو خنقة خفيفة زى اللى بتتكرر كتير
لأ حزن بجد .. بالمعنى العميق جدا للكلمة
مش متخيلة ان شفيق يبقى رئيس
ودم كل اخواتنا واصحابنا يروح هدر
مش متخيلة ان بعد سنة ونص مستنيين محاكمة عادلة لكل اللى سرقونا ونهبونا وقتلونا
انهم يطلعوا فى الاخر من غير محاكمة .. أو انهم يتهربوا . . أو انهم يعيشوا معززين مكرمين فى السجن والشعب هو اللى يتحرق
مش متخيلة بعد ماصبرنا كل ده على أمل ان كل حاجة هتتحسن
وان الشهدا هناخدلهم حقهم
وان كرامتنا هتتردلنا
وان احنا اللى هيبقى معانا الحق واحنا اللى هنقرر مصيرنا
بعد كل ده يطلع كل النظام السابق يقولنا انتو صدقتوا نفسكم !!
احنا كنا بنهزر معاكم .. أو فوقوا من الحلم الوهمى بتاعكم ده
وفى نفس الوقت مش عايزة البلد كلها تبقى بتاعت الاخوان
مجلس الشعب اخوان , مجلس الشورى اخوان
كمان الرئيس يبقى اخوان
خايفة نكون شيلنا نظام ديكتاتورى عشان نجيب نظام ديكتاتورى تانى
والمشكلة الاكبر انه لو حصل هيبقى ألعن
لانه هيبقى باسم الدين !!
هيبقى باسم الحلال والحرام
مبارك مالوش فى الدين وخد 30 سنة عشان نثور عليه
اومال لو جالنا نظام يتكلم باسم الشرع والدين
هيحتاج كام سنة لو غلط عشان نغيره !!!!
:(
مش مجرد ضيق أو زعل أو خنقة خفيفة زى اللى بتتكرر كتير
لأ حزن بجد .. بالمعنى العميق جدا للكلمة
مش متخيلة ان شفيق يبقى رئيس
ودم كل اخواتنا واصحابنا يروح هدر
مش متخيلة ان بعد سنة ونص مستنيين محاكمة عادلة لكل اللى سرقونا ونهبونا وقتلونا
انهم يطلعوا فى الاخر من غير محاكمة .. أو انهم يتهربوا . . أو انهم يعيشوا معززين مكرمين فى السجن والشعب هو اللى يتحرق
مش متخيلة بعد ماصبرنا كل ده على أمل ان كل حاجة هتتحسن
وان الشهدا هناخدلهم حقهم
وان كرامتنا هتتردلنا
وان احنا اللى هيبقى معانا الحق واحنا اللى هنقرر مصيرنا
بعد كل ده يطلع كل النظام السابق يقولنا انتو صدقتوا نفسكم !!
احنا كنا بنهزر معاكم .. أو فوقوا من الحلم الوهمى بتاعكم ده
وفى نفس الوقت مش عايزة البلد كلها تبقى بتاعت الاخوان
مجلس الشعب اخوان , مجلس الشورى اخوان
كمان الرئيس يبقى اخوان
خايفة نكون شيلنا نظام ديكتاتورى عشان نجيب نظام ديكتاتورى تانى
والمشكلة الاكبر انه لو حصل هيبقى ألعن
لانه هيبقى باسم الدين !!
هيبقى باسم الحلال والحرام
مبارك مالوش فى الدين وخد 30 سنة عشان نثور عليه
اومال لو جالنا نظام يتكلم باسم الشرع والدين
هيحتاج كام سنة لو غلط عشان نغيره !!!!
:(
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.