رغم أن الكلام لايكف عنها ولاتكف عنه ..
إلا أنه اشتاقها !

فكأنما يشعر رغم بريق الحديث ..
بـ صمتها !

اذا بُليت !

وإذا بليت فثق بالله وارضَ بقضائه وتوكل عليه ♥

ربى ♥ ..!

تعلم كل شىء .. وهذا يكفينى .

عشان تتوعدى ^_*

من عادات الشعب المصرى انه لما بيفرح بيحب يفرَّح الناس اللى حواليه معاه ,

الجيران والقرايب والاصحاب .. مش لازم يكون بينهم حتى علاقة قوية ولا حاجة ,

بيحب يفرح القريب والبعيد .. بيبقى نفسه الناس كلها تفرحله :) 

ودى بتكون بحاجات بسيطة أوى 

يعنى مثلا حلاوة المولود الجديد بيوزعوا سبوع على الجيران كلهم "حتى لو مايعرفوش بعض أوى " 

فى الفرح برده وفى الخطوبة تلاقى شيكولاتة وبمبونى وكحك وبسكويت وبيتى فور وحاجة ساقعة تتوزع على الناس كلها 

كل واحد واستطاعته .. بيخلى الناس تشاركه بطريقته :)

من وأنا صغيرة بقا 

كنت اسمع من جدتى الله يرحمها ومن ماما ربنا يخليهالى جملة كدا كل لما تجيلنا حاجة من دى ..

سواء من قرايب أو جيران أو اصحاب 

دايما يتقالى " دوقى كحك الفرح .. عقبال ماتتوعدى :) " 

بتتقال بطريقة مميزة أوى وتلقائية أوى .. بيبقوا فرحانين بجد :)

يمكن وأنا صغيرة كنت بستغرب فرحتهم دى لما يكون اصحاب المناسبة دى مش قرايبنا أو مانعرفهومش أوى يعنى ! 

يعنى كنت ساعات أفكر .. احنا نعرفهم منين عشان نفرحلهم أوى كدا لدرجة انهم يوّصونى كمان انى أفرحلهم ! 

حبة حبة لقيتنى بفرح أوى أنا كمان لأى حد يشاركنى فرحته بأى شكل 

مش فرحة بسيطة لأ .. بفرح فرحة أصحاب الفرح *_*

حتى لو ما أعرفهمش وعلاقتى بيهم مش قوية ..
كفاية انهم عاوزينى أفرح معاهم وأشاركهم فرحتهم :) 

بحس ساعتها انى أعرفهم جدا وبفرحلهم أوى أوى 

وببقى مبسوطة جدااا .. لأنهم اختارونى "أنا بالخصوص" عشان أشاركهم فرحتهم دى ^__^

لحد دلوقتى بحب أوى كحك الفرح  وبمبونى السبوع وشيكولاتة الخطوبة .. 

ولازم أدوقهم حتى لو أنا فى العادة "مابحبش آكل الكحك مثلا " 

بس لازم آكل منه ساعتها ..

لأكتر من سبب :
أولهم عشان ما أزعلش اللى حب يشاركنى فرحته "حتى وان كان فى حقيقة الامر مش هيشوفنى انا كلت منه فعلا ولا لأ "

تانيهم عشان أنا هحب الناس تعمل كدا وتفرحلى لما يكون عندى مناسبة حلوة

ثالتهم بقا عشان أتوعد بالفرح أنا كمان " زى ما ماما دايما تقولى :) "

يمكن ناس تقول على الكلام ده هبل  وماينفعش يتصدق .. 

بس انتو حرين ماتصدقهوش " و ماتبقوش تاكلوا من الكحك لما يجيلكوا :P "

أنا عن نفسى حابة انى أصدقه 

وهفرح للى عاوزنى أفرحله .. 

وهدوق الكحك بتاعه .. 

و.. !

ربنا يوعدنى :)

بسيطة هى الأشياء التى من شأنها إسعادنا بصدق :)

انتظرك أن تكون ( أنا ) 

عندما لا أكونه !

فصدقنى يا صديقى ..

هذا سيساعدنى أكثر .. حينها

شاكٍ الى البحر اضطراب خواطرى ..

فيجيبنى برياحه الهوجاء !

عندما نتبعثر داخليا

احيانا نتبعثر داخليا ..نشعر بفوضي عارمة ..

حينها..,

 إلجأ بروحك إلي الله ..اخشع له بكل انفاسك ..
 

تعود إليك نفسك مطمئنة به.

انا زى الفل والريحان

انا زى الفل
والريحان

وقلبى اللى كبر فجأة قبل الاوان
لا بيعجز ولا بيشيخ
... ولساه طفل زى زمان

بريحة الارض ساعة المطر
ورغم انه فى قلب الخطر
لكن حاسس بأن الدنيا لسة امان

ولو قربت منى يا حزن
ولو فكرت تأذينى
منين مابروح بلاقى حضن قادر لسة يحمينى

واقلق ليه ؟!

دانا امى اللى كانت لما تدعيلى تقولى روح
ربنا مايحوجك للعبد
تعيش حر كما العصفور ولا يدخل فى قلبك برد

اقلق ليه ؟!
ولوتكسر الم واتنين
ماعمرك يوم هتعرف فين
انا مخبى اغانى العشق

واقلق ليه ؟

ولو تفهم فى دمع العين
كنت عرفت ان البكا ميجرحنيش
دا بيقوينى

ولو تفهم ف دمع العين
كنت عرفت ان الألم
ما يكسرنيش ..
ده بيقربني من روحي
تروح انت ..
و روحي تعيش

واقلق ليه ..

مفيش ف القلب غير غنوه
كلام بيرم وصوت درويش
وعمري ما اتوه
في وسط قلوب
بعرفها وعرفاني ..
و مها تضيق ..
مساحة قلبي أد الكون

انا زى الفل
والريحان :)

يوم مختلف :)

النهاردة بالنسبالى كان يوم مختلف جدا 

كان يوم من الايام الجميلة اللى اتبسطت فيها أوى .. 

مالقتش وصف لاحساسى غير لما رجعت البيت وفتحت صفحتى ولقيت آخر حاجة كنت كاتباها " اشراقة قلب "

حاسة ان ربنا استجاب لدعوتى وفعلا قلبى كان مشرق .. 

الاحساس ده ماحسيتوش من فترة طويلة .. عشان كدا كان ليه طعم مختلف :)

حسيت ان الدنيا حلوة .. 

أصحابى وزمايلى رغم الهموم اللى ساكنة كل واحدة فيهم الا انهم بيضحكوا

ضحكة رايقة وصافية تنسى معاها أى هموم 

بيضحكوا بجد عشان هم راضيين وحامدين ربنا ♥ 

حسيت انى كنت بكتشف حاجة جديدة فى كل حد بسلم عليه النهاردة .. مش عارفة الحاجة دى ايه ! بس اللى عارفاه انها حاجة حلوة :) 

مبسوطة أوى الحمد لله واللى باسطنى أكتر .. إشراقة قلبى ♥ 

اللهم إنا نسألك أن تجعل قلوبنا تشرق كل يوم كشمس السماء
بنور جديد و أمل جديد ..
,
اللهم اجعل قلوبنا كشمس الشتاء
تحمل نوراً ودفئاً وآمناً لنفوسِ أرهقتها الغيوم ..
,
... اللهم ولاتحرمنا نقاء القلوب وصفاء النفوس ..

يااااااااااااااارب ♥

الحمد لله

 

لآ تدعهم يعرفون عنك
سوى سعادتك ,
ولآ يرون مــنك إلا ابتسامتك
فإن ضاقت عليك !
ففي القرآن جنتك . .
وإن آلمتك وحدتك !

فـ إلى السماء دعوتك
وإن سألوك عن أخبارك !!
فأحمد الله و إبتسـم :)

إشـراقة قلب

اللهم إنا نسألك أن تجعل قلوبنا تشرق كل يوم كشمس السماء
بنور جديد و أمل جديد ..
,
اللهم اجعل قلوبنا كشمس الشتاء
تحمل نوراً ودفئاً وآمناً لنفوسِ أرهقتها الغيوم ..
,
... اللهم ولاتحرمنا نقاء القلوب وصفاء النفوس ..

يااااااااااااااارب ♥

لم تتعلم بعد

لم تتعلم بعد !

ومازالت كلما واتتها الفرصة , اختلقت شيئاً جديداً ..

لـ يبرر انتظارها !

يضعونك فى قالب محدد ثم يسألونك لائمين .. 

لم اتخذت هذا الشكل ؟!!

انتظرت كثيرا

اذا انتظرت من اختار غيرك لتفاصيل حياته .. 

فلا تلمه عندما يؤلمك الانتظار ..

فأنت من أخطأ الفهم , 

أما هو فقد كان - منذ اختياره - واضحاً 

يوماً

يوماً سأضحك لا لشىء الا لأننى سأتذكر شخصيات  أحزنتنى بشدة ,

ولم تكن تستحق ..

يارب

لا أحَدَ يَمْلِكُ حَيَاة ًوَرْدِيَّة
وَلا قَلْبًا خَالِياً وَلا رَأسًا خَفِيفاً مِنَ الأعْبَاء
وَلَكِن هُنَاكَ : مَن يَدْعُو الله وَيَبْتَسِم :)

أظن

أظن
ولا إثم في مثل ظني
ولا وهم،
أني
بخيط حريرٍ أقُصُّ الحديد
... و أَني
بخيط من الصوف
أَبني خيام البعيد
و أَهرب منها
ومني
لأني ... كأني !

مناصفة

تحيا مناصفة،
لا أنت أنت، ولا سواك
أين ( أنا ) في عتمة الشبه ؟

كأنني شبح
يمشي إلى شبح
فلا أكون سوى شخص مررت به

خرجت من صورتي الأولى 
لأدركه
فصاح حين اختفى:
يا ذاتي انتبه !

خايف !

قالت لى الحياة أكثر من مرة  .. لاتخافى الخوف , 

ورغم ذلك ... مازلت أخافه !

دمع عينى

وكيف للعين أن تدمع .. اذا كان دمعها غالى ؟!

حواراتى

أسألها وتجيبنى 

أشكو اليها وتنصحنى 

أخاصمها وتصالحنى 

أخطىء  وتغفرلى 

أتألم وتضمنى 

أغضب وتتحملنى  

أغيب وتنتظرنى

أتكلم وتسمعنى 

أصمت وتفهمنى 

وأبدا لم يدرك مابيننا أًحد

ولم أندم يوماً على مصارحتها بشىء

فجميع حالاتنا كانت تجمعنى أنا وهى وفقط ... 

أتذكرها الآن وأتمنى أن تعود فقد طال غيابها .. 

لكم اشتقت اليها بحق :( 

انها ..!!

حواراتى مع " نفسى " ..

مع كل ألم فرحة لم تدرك بعد !

لا يوجد ألم مجرد من النفع ,
مهما كانت شدته ومهما كان سوءه .

فلا تجعلنّ الألم - مهما كانت شدته - أن يحجب عنك نفعه ..
وتذكر دائما .. 
" العين الباكية لاترى الاشياء بوضوح" 

يارب ♥

اللّهم اني اسألك نفساً مطمئنة بلقائك وتقنع بعطائك وترضي بقضائك
اللّهم انك تعلم سري وعلانيتي فاقبل معذرتي
اللّهم إنك تعلم حاجتي فاعطني سؤالي
اللّهم طهر قلبي من النفاق وعملي من الرياء ولساني من الكذب وعيني من الخيانة
اللّهم صلّ وسلم وبارك عليك يا سيدي يا رسول الله

يأتيك الفرج من حيث لاتدرى

 النهاردة واحنا راجعين من الكلية أنا وواحدة صحبتى مالقناش عربيات خالص فى الموقف
والناس طبعا واقفين كتير جدا كعادة الايام دى
فالمهم هى قالت ييييه هو كل يوم بقا !!
قلتلها خير ان شاء الله


احنا طبعا لما بنلاقى المنظر ده على الاقل بنقفلنا يجى نص ساعة كدا
وفيه أيام بنقف فيها بـ 3 و 4 ساعات ^^ 
لأن العربيات قبل ماتوصلنا بتبقى اتملت اساسا..
وكل اللى واقفين بيهاجموا ولا أكنه ماتش كورة ^_^
وبما اننا مالناش فى الهجوم فـ أول مابنشوف المنظر ده
بنلزم مقعد المشاهد .. لحد ما العربية تتملى ويجى غيرها وهكذا ....

النهاردة بقا لقينا العربية جاية
والهجوم بيبدأ ولسة هنفقد الامل فى العربية دى
لقيت اخويا جوه العربية وبيشاورلنا نركب  :) :)




ليه واشمعنى وازاى ؟؟!
كل الاسئلة بقا .. مايجاوبهاش غير ..
يأتيك الفرج من حيث لاتدرى :)


الحمد لله ♥

حُلمى ..

لن أتخلّى عنك يا حٌلمي مهما كنت بعيد ,

كلما هربت مني سأمسك بك من جديد^^

سبب حزنى ..

أتدرك سبب حزنى ؟!..

إننى أخاصمنى عندما أخاصمك .. 

فـ حينها لايكون لى أحد ..

لا أنا .... ولا أنت :( 

لتكن أجمل ..

البَساطة تُضيفْ على شَخصْيتكـ رَونقاً مُميزاً يجعلكَ مُختلفْ !

كُن بَسيطاً .. تكنْ أجمل :) 

نَفْسَك أولا

أصْلِح نَفْسَك .. يَصْلُح لَكَ النَاس !

كن كالورد

كُن كآلورد كلمآ جُرح "من زخآتْ المطر" يفوح عطراً.

عتـاب

عاتبتهم حتى ملَّ العتاب منى .... 

ومللته !

أثر الفراشـة

أَثر الفراشة لا يُرَى 

أَثر الفراشة لا يزولُ

هو جاذبيّةُ غامضٍ 
 يستدرج المعنى، ويرحلُ

حين يتَّضحُ السبيلُ ..

هو خفَّةُ الأبديِّ في اليوميّ

أشواقٌ إلى أَعلى

وإشراقٌ جميلُ ..

هو شامَةٌ في الضوء تومئ

حين يرشدنا الى الكلمات

باطننا الدليلُ ..

هو مثل أُغنية تحاولُ

أن تقول، وتكتفي

بالاقتباس من الظلالِ

ولا تقولُ..

أثر الفراشة لا يُرى

اثر الفراشة لا يزول :)

إرهـاق !

لا أدرى كيف صار لقاءُنا مرهقاً لهذا الحد !