من اسبوع بالظبط كان الحال غير الحال :)
الخميس اللى فات وزى النهاردة بالظبط كان المفروض أول يوم أقعد فيه فى البيت عشان اذاكر للأمتحان بقا واستعد وكدا :)
يشاء الرحمن انى اتعب تعب شديد جدا يومها .. وما أقدرش حتى أقعد ساعة على بعضها من غير ألم أو وجع ..
المهم يومها انا قلت دى أكيد انفيكشن عادية يعنى وهتروح لحالها بكرة .. وهصحى كويسة وأذاكر والحمد لله لسة وقت كبير :)
يومها ماقدرتش انام الليل متواصل .. كان نومى بالظبط ساعة ونص وأصحى أتألم شوية وبعدين أدخل انام تانى وهكذا :)
يوم الجمعة الصبح اكتشفت ان التعب مش يوم واحد وخلاص لأنى لسة تعبانة " أوى " حتى الموضوع ماخفش شوية :) ..
وجابولى علاج والمفترض انى لما اخد الاقراص كاملة .. على بالليل هكون أحسن
فقلت خير يعنى .. بالليل ان شاء الله هكون أحسن وهقدر أبتدى مذاكرة :)
وللأسف برده خدت العلاج ومافيش فايدة .. الوجع هو هو .. ماخفش 3 سم حتى :)
وساعتها بدأت أقلق ... " طيب الامتحان !! , كدا كدا بتزنق فى الاخر من غير حاجة !! , يارب والله مش معترضة بس التعب لو فى أى وقت تانى هستحمله من غير ما أفكر , ياترى تفكيرى فى الامتحان ده يبقى كدا بعترض على حكم ربنا وقضاءه وبعدّل عليه !! يارب غصب عنى .. سامحنى :( "
يوم الجمعة بالليل اكتشفت انها أميبا .. وخدت كورس علاج تانى واتقال انى هحسن بتحسن ان شاء الله من أول جرعة يعنى .. فقلت الحمد لله يارب :)
وطبعا نومى يوم الجمعة ما اختلفتش عن يوم الخميس خالص :)
السبت الصبح .. نفس الحالة + زيادة الديبريشن والتفكير فى الامتحان .. وزيادة عن كدا انى حاسة انى معترضة على قضاء ربنا بالتفكير ده وانى مش صابرة على شوية تعب خفاف يعنى .. بس والله يارب انا كدا عشان عندى امتحان بس ومش قادرة افتح الكتاب وابص فيه حتى :( "
يوم السبت بالليل كان نفسى أوى اكتب البوست ده .. وأوصف حالتى ساعتها والتعب اللى انا فيه لسببين:
أولهم : انى أرتاح شوية لما أطلع اللى جوايا
ثانيهم والأهم : انى أوثق المحنة دى "اللى كنت واثقة انها هتعدى باذن الله " بحيث انى أرجعلها بعد كدا فى أى شدة أتعرضلها بعد كدا ولما تضيق أوى فى وشى وأجى أضعف .. أقرأ كلامى تانى وأحس باللى كنت فيه تانى عشان أعرف بس ان ربنا كبييييييييييير ورحيم بينا .. وماضاقت الا مافرجت يا آية .. ماتخافيش :)
بس كنت تعبانة بجد جدااااااااااا لدرجة انى ماقدرتش أقعد وأكتبه .. "اللى قدرت أكتبه يومها كان ((عسى أن تكرهوا شىء وهو خير لكم ..خير ان شاء الله :)))
وطبعا بدأت أفكر انى أقدم شهادة مرضية وأأجل الامتحان "لو ينفع " والتفكير ده ضايقنى زيادة لأن الواحد مابيصدق يخلص امتحان وكمان الراوند ده من اكتر الراوندات اللى حبيتها :(
بالاضافة لحالة من الديهدريشن لأنى مش قادرة أكل أو أشرب حاجة لإنها هتوجعنى بزيادة
يوم الأحد .. يوم الانتخابات ... حسيت انى أحسن "يمكن الاحساس ده كان رحمة من ربنا عشان ماما كانت مسافرة للشغل وكانت قلقانة عليا :( .. فقلتلها انا بجد أحسن حتى هقعد أذاكر أهو شوية وبعدين انزل الانتخابات :) ..
يادوب ماما نزلت وأنا رجعت لنفس الوجع .. بل كنت حاسه انه زيادة .. حتى اختى حاولت تضحكنى أو تفهمنى انه دلع .. بس مش قادرة !
هنام ساعة وبعدين أقوم يمكن اكون بقيت أحسن
بعدها بساعة قمت فعلا وكنت بتوجع برده وبالعافية كلت لقمة كدا
وما أعرفش والله ازاى قمت ولبست وقلتلهم انا نازلة نص ساعة ان شاء الله وهرجع :)
انا نازلة ومستغربة نفسى أصلا !! هو انا بجد خرجت من بيتنا وانا فى الحالة دى ! ده انا ممكن أقع فى الطريق ! ده انا مابيعديش ساعة على بعضها من غير ما اتعب !
طول الطريق مستغربة بس مكملة .. والله ما اعرف ازاى :)
يمكن ربنا قدّرلى انى انزل عشان اسمع كلام اصحابى واعرف انهم هما كمان متأخرين فى المنهج وماتخافيش وهتلحقى .. ولسة بدرى على فكرة ماتخافيش
طيب شوفى انتى عاوزانا نشرحلك ايه دلوقتى لو حاجة هتعطّلك ..
والله الكلمتين دول قوّونى أكتر وخلوّنى أحس انى ماضاعش منى أيام ولا حاجة .. وان شاء الله هبقى أحسن وهذاكر وهيبقى عادى :)
الغريب يامؤمن انى يومها ماتعتبش جامد بل وحسيت انى اتحسنت كمان :)
والأغرب انى فضلت قاعدة مستنية النتيجة بتاعت الانتخابات لحد الساعة 8 بالليل :)
وكان أول يوم أروّح ساعتها وأعرف أكل عادى , بعد 3 أيام ربع لقمة وبق ميه بالعافية :)
يومها نمت طبعا لأنى كنت هلكانة طول اليوم
بس تانى يوم اتحسنت كتيييييييييييييير "الحمد لله " وبدأت أذاكر والحمد لله قدرت أنجز بقدر معقول يعنى
أينعم جزء الـ nose كله قريته الفجر يوم الامتحان وماحليتش ام سى كيو كويس
بس كنت داخلة الامتحان وانا مرتاحة نفسياً :) ..
الامتحان جه وحش جداااااااااااا على فكرة :D.. وحالتى بعدها بسبب الامتحان نفسه كانت وحشة جداااااااااا ويمكن لحد دلوقتى كل مابفتكر لأنى غلطانة كتير ..
بس ده كان على الكل .. مش بسبب تقصيرى فى المذاكرة ولا بسبب تعبى
يعنى برغم تعبى وكل اللى مريت فيه الا انى مرتاحة نفسياً لأنى ماقصّرتش ولأن ربنا ماسابنيش .. ولأنى بكتب الكلام ده دلوقتى وان شاء الله هيكون عون ليا ومصدر قوة لما أقراه فى أى شدة أتعرضلها بعد كدا
التفاصيل المملة دى مش عشان حد يقراها .. التفاصيل دى ليا أنا عشان ما انساش
وعشان لما ارجع للموضوع ده تانى أحس بنفس الاحساس تانى وأعرف ان ربنا هيفرجها :)
الخميس اللى فات وزى النهاردة بالظبط كان المفروض أول يوم أقعد فيه فى البيت عشان اذاكر للأمتحان بقا واستعد وكدا :)
يشاء الرحمن انى اتعب تعب شديد جدا يومها .. وما أقدرش حتى أقعد ساعة على بعضها من غير ألم أو وجع ..
المهم يومها انا قلت دى أكيد انفيكشن عادية يعنى وهتروح لحالها بكرة .. وهصحى كويسة وأذاكر والحمد لله لسة وقت كبير :)
يومها ماقدرتش انام الليل متواصل .. كان نومى بالظبط ساعة ونص وأصحى أتألم شوية وبعدين أدخل انام تانى وهكذا :)
يوم الجمعة الصبح اكتشفت ان التعب مش يوم واحد وخلاص لأنى لسة تعبانة " أوى " حتى الموضوع ماخفش شوية :) ..
وجابولى علاج والمفترض انى لما اخد الاقراص كاملة .. على بالليل هكون أحسن
فقلت خير يعنى .. بالليل ان شاء الله هكون أحسن وهقدر أبتدى مذاكرة :)
وللأسف برده خدت العلاج ومافيش فايدة .. الوجع هو هو .. ماخفش 3 سم حتى :)
وساعتها بدأت أقلق ... " طيب الامتحان !! , كدا كدا بتزنق فى الاخر من غير حاجة !! , يارب والله مش معترضة بس التعب لو فى أى وقت تانى هستحمله من غير ما أفكر , ياترى تفكيرى فى الامتحان ده يبقى كدا بعترض على حكم ربنا وقضاءه وبعدّل عليه !! يارب غصب عنى .. سامحنى :( "
يوم الجمعة بالليل اكتشفت انها أميبا .. وخدت كورس علاج تانى واتقال انى هحسن بتحسن ان شاء الله من أول جرعة يعنى .. فقلت الحمد لله يارب :)
وطبعا نومى يوم الجمعة ما اختلفتش عن يوم الخميس خالص :)
السبت الصبح .. نفس الحالة + زيادة الديبريشن والتفكير فى الامتحان .. وزيادة عن كدا انى حاسة انى معترضة على قضاء ربنا بالتفكير ده وانى مش صابرة على شوية تعب خفاف يعنى .. بس والله يارب انا كدا عشان عندى امتحان بس ومش قادرة افتح الكتاب وابص فيه حتى :( "
يوم السبت بالليل كان نفسى أوى اكتب البوست ده .. وأوصف حالتى ساعتها والتعب اللى انا فيه لسببين:
أولهم : انى أرتاح شوية لما أطلع اللى جوايا
ثانيهم والأهم : انى أوثق المحنة دى "اللى كنت واثقة انها هتعدى باذن الله " بحيث انى أرجعلها بعد كدا فى أى شدة أتعرضلها بعد كدا ولما تضيق أوى فى وشى وأجى أضعف .. أقرأ كلامى تانى وأحس باللى كنت فيه تانى عشان أعرف بس ان ربنا كبييييييييييير ورحيم بينا .. وماضاقت الا مافرجت يا آية .. ماتخافيش :)
بس كنت تعبانة بجد جدااااااااااا لدرجة انى ماقدرتش أقعد وأكتبه .. "اللى قدرت أكتبه يومها كان ((عسى أن تكرهوا شىء وهو خير لكم ..خير ان شاء الله :)))
وطبعا بدأت أفكر انى أقدم شهادة مرضية وأأجل الامتحان "لو ينفع " والتفكير ده ضايقنى زيادة لأن الواحد مابيصدق يخلص امتحان وكمان الراوند ده من اكتر الراوندات اللى حبيتها :(
بالاضافة لحالة من الديهدريشن لأنى مش قادرة أكل أو أشرب حاجة لإنها هتوجعنى بزيادة
يوم الأحد .. يوم الانتخابات ... حسيت انى أحسن "يمكن الاحساس ده كان رحمة من ربنا عشان ماما كانت مسافرة للشغل وكانت قلقانة عليا :( .. فقلتلها انا بجد أحسن حتى هقعد أذاكر أهو شوية وبعدين انزل الانتخابات :) ..
يادوب ماما نزلت وأنا رجعت لنفس الوجع .. بل كنت حاسه انه زيادة .. حتى اختى حاولت تضحكنى أو تفهمنى انه دلع .. بس مش قادرة !
هنام ساعة وبعدين أقوم يمكن اكون بقيت أحسن
بعدها بساعة قمت فعلا وكنت بتوجع برده وبالعافية كلت لقمة كدا
وما أعرفش والله ازاى قمت ولبست وقلتلهم انا نازلة نص ساعة ان شاء الله وهرجع :)
انا نازلة ومستغربة نفسى أصلا !! هو انا بجد خرجت من بيتنا وانا فى الحالة دى ! ده انا ممكن أقع فى الطريق ! ده انا مابيعديش ساعة على بعضها من غير ما اتعب !
طول الطريق مستغربة بس مكملة .. والله ما اعرف ازاى :)
يمكن ربنا قدّرلى انى انزل عشان اسمع كلام اصحابى واعرف انهم هما كمان متأخرين فى المنهج وماتخافيش وهتلحقى .. ولسة بدرى على فكرة ماتخافيش
طيب شوفى انتى عاوزانا نشرحلك ايه دلوقتى لو حاجة هتعطّلك ..
والله الكلمتين دول قوّونى أكتر وخلوّنى أحس انى ماضاعش منى أيام ولا حاجة .. وان شاء الله هبقى أحسن وهذاكر وهيبقى عادى :)
الغريب يامؤمن انى يومها ماتعتبش جامد بل وحسيت انى اتحسنت كمان :)
والأغرب انى فضلت قاعدة مستنية النتيجة بتاعت الانتخابات لحد الساعة 8 بالليل :)
وكان أول يوم أروّح ساعتها وأعرف أكل عادى , بعد 3 أيام ربع لقمة وبق ميه بالعافية :)
يومها نمت طبعا لأنى كنت هلكانة طول اليوم
بس تانى يوم اتحسنت كتيييييييييييييير "الحمد لله " وبدأت أذاكر والحمد لله قدرت أنجز بقدر معقول يعنى
أينعم جزء الـ nose كله قريته الفجر يوم الامتحان وماحليتش ام سى كيو كويس
بس كنت داخلة الامتحان وانا مرتاحة نفسياً :) ..
الامتحان جه وحش جداااااااااااا على فكرة :D.. وحالتى بعدها بسبب الامتحان نفسه كانت وحشة جداااااااااا ويمكن لحد دلوقتى كل مابفتكر لأنى غلطانة كتير ..
بس ده كان على الكل .. مش بسبب تقصيرى فى المذاكرة ولا بسبب تعبى
يعنى برغم تعبى وكل اللى مريت فيه الا انى مرتاحة نفسياً لأنى ماقصّرتش ولأن ربنا ماسابنيش .. ولأنى بكتب الكلام ده دلوقتى وان شاء الله هيكون عون ليا ومصدر قوة لما أقراه فى أى شدة أتعرضلها بعد كدا
التفاصيل المملة دى مش عشان حد يقراها .. التفاصيل دى ليا أنا عشان ما انساش
وعشان لما ارجع للموضوع ده تانى أحس بنفس الاحساس تانى وأعرف ان ربنا هيفرجها :)
