أبيض :)

لما فكرت ايه أول حاجة ممكن أكتبها فى المدونة "والصراحة هى حاجة تحير :) " 

لقيت مفيش أحسن من الصورة دى .. 

الصورة دى بحبها أوى 

لانى بحب اللون الابيض جدااااااااااااااااااااااااا 

وأكتر حاجة بموت فيها بتبقى البلوزات اللى لونها أبيض 

أكتر مذيعة بتلفت نظرى فى التليفزيون " لو اتفرجت يعنى ^^ بتبقى اللى لابسة بلوزة بيضا :) 

ومع ذلك مابعرفش اشتريهم :( 

لانى طول ما انا لابساهم هبقى خايفة طول الوقت عليهم لا يتوسخوا 

ولا حاجة تيجى عليهم , 

انا بخاف على هدومى طبعا كلها وبعزها " زى ولادى :D " 

بس الابيض ليه معزة خاصة فى قلبى 

ولو وقع على بلوزتى البيضا " اللى ما اشتريتهاش " حاجة هبقى زعلانة أوى أوى .. لأ هزعل بجد 

ومش هتبقى مسألة بلوزة وباظت , لأ ..

دى هتبقى بلوزتى البيضا حبيبتى .... باظت :(

ونظرا للمآساة اللى هتحصل لو بلوزتى " اللى عاوزة اجيبها " حصلها حاجة 

فأنا ماجبتهاش :D 

عشان كدا برده بحب البالطو بتاعى جداااااااااااااااااا 

لونه أبيض بقا ;)

واصحابى كلهم تقريبا بيستغربوا من مدى حبى للبالطو بتاعى :D 

وكانوا ومازالوا بيستغربوا أوى انى بحافظ عليه وبحبه أوى 

 { الغالبية العظمى فى طب بتستخدم البالطو عشان تقعد عليه اصلا :)) }

انا بقا بحبه جداااااااااا وأصلا بزعق لاصحابى لما بلاقيهم بيعاملوا بلاطيهم وحش :D 

تصوروا بخاف أد ايه ان يبقى عندى حاجة لونها أبيض وجمييييييييييييييل 

وحد يوقع عليها حاجة أو يبوظهالى .... مع انى ممكن أجيب غيرها , ممكن أغيرها .. 

بس برده بخاف عليها جدا 

فمابالكم لو عندى حاجة لونها أبيض وماينفعش أغيرها 

تتخيلوا هبقى بعاملها ازاى وبخاف عليها أد ايه ؟؟ 

لو رجعتوا للصورة هتعرفوا ايه هى الحاجة دى :) 

الحاجة دى هى قلبى أو يمكن روحى

((عشان اصحابى الاطباء هيجوا يرخموا ويقولوا القلب لونه بيج أو بنى على حسب هو محطوط فى الفورمالين من امته :P ))

هو حاجة جوا كدا ماحدش يعرف يمسكها ولا حتى أحسن جراح قلب ^_^ 

حاجة من عند ربنا 

بيسلمهالنا بيضا ونقية وجميييييييييييييييييييييييييلة 

وبيسبهالنا أمانة نحافظ عليها ..

أنا بحب الامانة دى أوى وبحاول بكل قوتى انى احافظ عليها بيضا وجميلة زى ماهيا

عشان كدا بزعل أوى أوى أوى لما حد يزعلنى ولا يعمل حاجة تضايقنى ((هتقولولى طبيعى )) 

لأ أنا مش بزعل عشان الحاجة اللى مزعلانى نفسها 

أنا بزعل لانه باللى عمله بيحاول يبوظ الامانة بتاعتى .. 

بيحاول يغير لون حتة من قلبى :( 

بيحاول يسيبلى نقطة سودة جواه O_O 

مابحبش أكره حد , ولا حتى حاجة 

حتى الناس اللى يستاهلوا اننا نكرههم , مابكرههمش 

يعنى هم مضايقنى لدرجة الكره , أقوم أكافئهم وأديهم حتة من قلبى يلونوها أسود بالكره ده !!
بكرهم أقوم أسيبلهم أغلى حاجة عندى يبوظوا نقاءها !!

أكتر وقت صعب بيمر عليا 

لما حد يكون غلط فى حقى وأنا لسة ماسامحتوش 

فترة ماقبل السماح دى هى أصعب فترة

ببقى حاسة طول الوقت ان قلبى زعلان منى أكتر بكتيييييييير منا زعلانة من اللى غلط فيا 

وبيبقى الوقت ساعتها طوييييييييييل وبطىىىىىء 

لأن فى كل لحظة حاسة انى هموت وفيه حد ماسامحتوش ,

وساعتها هسلم الامانة فيها نقطة سودا :(

نفسى أوى أموت وقلبى أبيض ونقى زى ماربنا خلقنى بيه ,

نفسى أوى أموت وأسلم قلبى وهو بيبتسم :)

عرفتو ليه بحب الصورة دى ^__*